पीएम कप : उपाधिका लागि पुलिस र आर्मी प्रतिस्पर्धा गर्दै

Posted by

  जेठ २५, २०७६ शनिबार

काठमाण्डाै – प्रधानमन्त्री कप एक दिवसीय राष्ट्रिय क्रिकेट प्रतियोगिताको उपाधिका लागि शनिबार नेपाल पुलिस र त्रिभुवन आर्मी क्लब प्रतिस्पर्धा गर्दैछन् ।

यी दुई टिम पहिलो संस्करणमा सामूहिक विजेता भएका थिए । दोस्रो संस्करणमा एपीएफले उपाध जितेको थियो । पहिलो संस्करणमा पुलिस र आर्मीले ट्रफी नै  साझा गरेका थिए ।

आर्मी लगातार तेस्रो पटक फाइनल पुगेको हो भने पुलिसले दोस्रो पटक फाइनलमा स्थान बनाएको छ । पहिलो संस्करणमा उपाधि बाँडेका दुवै टोली यस पटक स्पष्ट जितसहित उपाधि जित्न चाहन्छ र नगद २० लाख आफ्नो बनाउने योजनामा रहेका छन् ।

राष्ट्रिय खेलकुद परिषदको आयोजना र नेपाल इन्टरनेशनलको व्यवस्थापनमा भइरहेको प्रतियोगितामा उपविजेताले पनि १० लाख हात पार्नेछ ।

खेल शनिबार बिहान ९ बजेदेखि त्रिवि क्रिकेट मैदान कीर्तिपुरमा सुरु हुनेछ ।