पेटको क्यान्सरबाट भरतपुर वडा नं. १६ का अध्यक्षको निधन

Posted by

४ असोज, चितवन । भरतपुर महानगरपालिका वडा नं. १६ का वडाध्यक्ष चतुरमान गुरूङको निधन भएको छ । पेटको क्यान्सरबाट पीडित ६६ वर्षीय गुरूङको पुरानो मेडिकल कलेज भरतपुरमा उपचारको क्रममा शनिबार विहान निधन भएको हो ।

गुरूङ तत्कालीन एमालेबाट उम्मेदवार बनेर विजयी भएका थिए । गुरूङलाई दुई महिनाअघि मात्रै क्यान्सर भएको पत्ता लागेको थियो । उनका तीन छोरा र श्रीमती छन् ।

उनको पार्थिव शरीरलाई भरतपुर अस्पतालको शव गृहमा राखिएको छ । छोराहरु विदेशमा रहेकाले उनीहरु आएपछि मात्रै अन्त्येष्टि गरिने परिवारले जनाएको छ ।